سجناء القصر جزء سادس

المشهد الثاني


سامح : خلاص ... مبقاش في حد طايقني ... مفيش حد هايسمحني ... بقيت حرامي .. خاين ... مكروه من الناس كلهم ... عملت مشاكل للكل ومات فادي بسببي انا خلاص مش هاقدر اعيش هنا تاني لأن الكل بيكرهني .. انا هانتحر واخلص نفسي من العذاب دة ... بس .. لو انتحرت هبقي عملت خطية تانية زيادة عن الخطاية اللي عملتها .. لأ .. مش هاتفرق ما خلاص عمر ما حد هايسامحني وهاتعذب في الاخرة مش هايبقي عزاب في الاخرة وعذاب هنا كمان (يقف فوق الكرسي ويحط الحبل حولين رقبته) سامحني يارب ( يدخل امير ووحيد بسرعة و وراهم الكل )
وحيد : استني
سامح : محدش يقربلي .. لو حد قرب هاموت نفسي
امير : لأ استني
سامح : عايزين ايه ؟ ... خلاص فادي مات بسببي وعارف انكوا كلكوا كارهني دلوقتي
امير : فادي مامتش بسببك ..فادي مات علشانا يفتحلنا الباب وينقذنا كلنا
وحيد : والباب اهوه اتفتح والمفروض نخرج كلنا منه
سامح : قصدك تخرجوا كلكوا منه ... انا عارف انكوا ا كارهني ومش عايزني معاكم
امير : مين قال كدة ؟
سامح : كلكم بتقولو كدة ... بتقولوا عليا حرامي
امير : انت مش حرامي .. سامح قالنا علي كل حاجة
سامح : بجد ؟ .. بس خلاص مفيش فايدة الوقت فات وفادي مش هايسامحني علي موته
وحيد : توب واعترف بغلطك وهوة هايسامحك
سامح : الوقت خلاص فات
امير : اللص الليمين تاب في اخر لحظة ودخل الفردوس رغم كل اللي عمله في حياته
سامح : بس انا اعتبر خنتكم
امير : بطرس خان ويهوذا كمان خان .. لكن ايه الفرق ؟ ... الفرق هوة ان بطرس قدر يرجع ومايأسش لكن يهوذا كان يائس وفاكر ان مفيش امل ذيك علشان كدة انتحر
وحيد : انزل ياسامح ماتموتش نفسك كلنا بنحبك والكل مسامحك
امير : ارجع ياوحيد كانا مستنينك

( ترنيم بالاحضان السماوية لغاية لما ينزل )
وحيد : سامحني ياسامح انا السبب ( يحضن الاثنين بعض )
عادل : دلوقتي بس اقدر اقول ان كلنا ممكن نخرج من هنا
ابليس : مش بالسهولة ديه ....
شادي : وايه اللي هايصعبها
ابليس : انا ( النور يقل )
شادي : خلاص مباقيناش نخاف منك
ابليس : هاهاهاها واضح انك نسيت اللي حصلك المرة اللي فاتت ... اثبتلي انك ضعيف
شادي : فعلا انا كنت ضعيف ... مكنش عندي قوة تكفي علشان اكسبك ... مكانش معايا سلاح قوي احاربك بيه علشان كدة خسرت بسهولة .. لكن دلوقتي ....
ابليس : ايه بتتحداني تاني؟ .... ياتري لو هاتتحداني . هاتتحداني بسيف ولا حربة ... ولا لسة ضعيف وماتقدرش تشيل اي حاجة منهم ؟
شديد : في الاول كنت فاكر ان قوتي هاينصروني ... نسيت ان شمشون رغم قوته الفلسطينين قدروا عليه وجليات رغم قوته وجبروته ... داوود قدر يقتلة مش علشان قوي .. لأ كان صغير وضعيف ومش قادر يشيل سيف .. لكن ايمانه بربه هوة اللي نصره ( يطلع الكل الصليب )
ابليس : لأ ( يجري لأخر المسرح ويديهم دهره )
شادي : سلاحنا قوي ...سلاحنا كان خشبة بيتصلب عليها اللصوص والخطاه والناس كلها كرهاها لغاية لما جالنا الفادي واتصلب عليها .. بقت رمز وعلامة لكل مسيحي وسلاح ليه ضد كل شرير
ابليس : كفاية
شديد : سلاحنا مش هوة سيف ولا رمح (نور جامد عند الباب و يظهر فادي ) ... سلاحنا هوة صليبنا وايمانا وصلاتنا
ابليس : لأ كفاية
شادي : قوتنا مش هيا اللي في دراعنا .. ( يبدأالكل يخرج ) قوتنا هية قوة ربنا والاهنا .. الله الحي .. رب الجنود .. فادي البشرية ... فاتح ابواب الملكوت .. باسمه هاننتصر عليك (يخرج شديد )
ابليس : لأ لأ لأأااااااااااااااااااااااااااا (يقع علي الارض )