سامي: المشكلة ان اشمعنا بابا مجبلناش أنا وسارة واحد ،هاه؟
نمرمر: يمكن مش هيقدر يدفعلك انت وسارة!!
سارة: وهي دي الحقيقة فعلا
سامي: ماأنا مفكرتش في كده وقلت في بالي ما انا كمان ينفع أجيب موبايل زي أصحابي، هو أنا أقل منهم؟؟
سامي: ابدا... رحت وقعدت اتفرج على الموبايلات في المحلات اللي جنبنا لحد مافي مرة كان واحد شافني في المحل ده قبل كده ، قاللي أنت عايز إيه؟ قولتله أنا عايز موبايل بس مش معايا يكفي راح موريني موبايل حلو قوي وقاللي أنا ممكن اديلك الموبايل ده ب 100 جنيه بس !!
الحيوانات .gif)
في نفس واحد) بس !!! سامي: آه وقاللي هات الفلوس بكره وأنا أجيبلك الموبايل تاني يوم ! طبعا مقدرتش أروح لبابا ، فقلت أروح لرامي صاحبي استلف منه ، لكن رامي قاللي أنه هياخدلي الفلوس دي من باباه وإني لازم ارجعهاله علطول ، وبعدي أنا قلت أنه لما بابا يشوف معايا الموبايل الجديد ده ويعرف اني جايبه بس ب 100 جنيه هيتبسط من شطارتي وهيديني الفلوس ... لكن حصل اللي مش على بالي خالص
سارة: اقولكوا أنا ... أتاري الراجل ده مكنش تبع المحل ، وضحك على اخويا وخد منه ال 100 جنيه ، وتاني يوم راح له سامي يدور عليه ملقهوش ، وبكره المفروض سامي يرجع الفلوس
سامي: وأنا من ساعتها مش عارف اعمل ايه؟
بهلول : دي مشكلة عويصة فعلا بس احنا أكيد عندنا الحل
( تبدأ الموسيقى التصويريه وتتجمع الحيوانات مع بهلول ويتشاوروا ويحاول سامي وساره معرفه أي شيء منهم لكنهم يفشلوا )
( تسكت الموسيقى تقف الحيوانات وبهلول في صف واحد)
الحيوانات وبهلول: احنا لا قينا الحل
بهلول : ( يتكلم بجد) الحل الأول ... بص بقى انت تروح تقول لرامي الحقيقة
بهلول : استنى بس وقول انك هتحوش كل يوم من مصروفك وإنك هترجعله ال 100 جنيه
سارة: انشاء الله بعد 100 سنه قدام ، هو سامي ده بيعرف يحوش شلن عشان يحوش 100 جنيه
سامي: ( بحزن) الحل ده مش هينفع لأن بابا رامي مش هيستنى عليا يوم واحد
لينو: معاك حق يا سامي ، حل زي ده مينفعش ، أنا بقى عندي الحل المظبوط!!
لينو: انت هتروح تقول لرامي انك مش هتدفع حاجة، وإنه هو اللي لازم يدفع الفلوس لباباه ،وإلا انت هتستناه كل يوم بعد المدرسه وتديله علقه
لينو: ايوه... عليك نور، فيقوم يخاف ويدفع الفلوس
سامي: لا طبعا أنا مقدرش أعمل كده في صاحبي، مش كفايه إنه كان عايز يساعدني ... لالا لا أنا مقدرش أعمل كده في صاحبي
لينو: براحتك.... ده كان الحل اللي عندي!!
نمرمر: سيبك منهم ، عارف الحل الأكيد إيه؟
نمرمر: تروح تاخد فلوس من دولاب باباك تسدد بيهم زنقتك
نمرمر: سميها بقى زي ماتسميها .. بس المهم تفك زنقتك
سارة: إزاي يعني ! ده مش حل ، دي هتبقى مشكله اكبر
سارة: لما بابا يكتشف الموضوع ده ، مش هيسكت وهنضطر نكدب ، والكدبه تجر كدبه ويا عالم
سامي: سارة معاها حق يا نمرمر ، أنا مقدرش اعمل كده
نمرمر: طب وريني بقى أزاي هتحل المشكلة دي؟
سارة ( لدبدب): هاه يا دبدب وأنت هتفضل واقف ساكت كده ؟ ماتقول حاجة زي أصحابك !!
دبدب( لسامي) أنت قولتلي إنك شفت بهلول قبل كده في مدارس الأحد ، صح؟
دبدب: يعني انت على كده عارف قصص كتير من الكتاب المقدس؟
سارة: ايوه ... تحب اقولك: عارف قصة سمعان ويونان والابرص اللي اسمه نعمان كمان
دبدب: تمام تمام كان في شاب عمل تقريبا زيك كده ، بس ده مضيعش 100 جنيه بس ، ده ضيع كل نصيبه اللي أبوه اداهوله
سارة: معاك حق يا دبدب لأنه جه في الآخر ورجع تاني لباباه
دبدب: برافو عليكي يا سارة
دبدب: الولد ده عمل زيك ، غلط ومعرفش يروح لحد لأنه كان خايف من باباه ، لكن الحل كان إنه يرجع لباباه لأن ابوه اللي بيحبه واللي هيلاقي فيه كل الحماية
سامي: بس أنا مقدرش ، ده بابا كان يموتني من الضرب ده هيضايق مني جدا دبدب: بص يا سامي انت مش هتلاقي حد يحبك ويخاف عليك زي باباك ، روح له اعترف له باللي حصل وساعتها هو اللي هيساعدك في الحل حتى لو اتضايق منك شويه سارة: معاه حق يا سامي ، ده أحسن حل سمعته لحد دلوقتي
سامي: واضح إن مفيش قدامي غير كده أنا باشكركم قوي يا جماعة على وقتكو ده أنا مش عارف من غيرك يا دبدب كنت عملت ايه ؟
الحيوانات و بهلول: على العموم احنا اتبسطنا ان احنا قعدنا معاك ربنا معاك يا سامي انت وساره
باي باااي
( تخرج الحيوانات وبهلول ويبقى سامي وساره)
سامي: بصي بقى يا سارة أنا هستنى لحد ما بابا ييجي من الشغل واقولله على كل حاجه واللي يحصل يحصل
سارة: كده صح يا سامي، وأنا هاصليلك ان الموضوع ده ينتهي على خير ياللا بينا نقوم نتغدى دلوقتي
( تخرج ساره وسامي من المسرح وتعود سارةبعد فترة قصيرة لتواجه الاطفال)
سارة: طبعا انتو عايزين تعرفوا إيه اللي حصل؟
بصوا بقى سامي راح اعترف لبابا بكل اللي حصل وقال له انه غلط لما فكر يجيب حاجة لنفسه وهو مكنش معاه الفلوس بتاعته ... بابا اتضايق منه شويه بس قال له مادام انت عرفت غلطتك دي كانت أهم حاجه ..وراح بابا اتكلم مع بابا رامي ووعده انه هو ( بابا يعني) يرجع له فلوسه والموضوع أ نتهى على خير نشكر ربنا .. باي باي عشان أنا لازم استعد واجهز شنطة المدرسة لبكره ... باي بااااااي .
الثلاثاء يوليو 22, 2014 2:36 pm من طرف صليب012
