هل احنا ظالمين الشيطان.....
نحن ظلمين الشيطان فعلا كل خطيه نقع فيها نقول شيطان
لو وقعت في خطيه النجاسه نقول اصل الشيطان هو اللي وقعني فيها وننسى نفسنا وننسى عقلنا حقا ان الشيطان عليه جزء بس الحكايه كلها ما يشلهاش هوه و يبقى الشيطان الشماعه بتعتنا اللي نعلق عليها خطيانا لازم نكون اقوى من كده لو ضحكنا على نفسنا هنضحك على ربنا فاحص القلوب و الكلى ازاي هنروح منه فين هتقله اصلي الشيطان هو...طب انت فين
لو وقعت في خطيه النظره الوحشه هتقول اهه بص ده جبلي المنظر الوحش قدام عيني وسعتها تنسى ثقتك بنفسك وطبعا تنسى ربنا فين وتنسى قصه سمعان الخراز لما قلع عينه
لو وقعت في خطيه الكلام الكتير على الناس او الادانه او الشتيمه او وانت مضايق قول دع يارب بابا حصينا لشفتي
واوعى تجيب العيب على الشيطان بل جيب العيب على نفسك
حتى وانت في مدرسه الاباء وجالك فقره موضوع تكتبه ونسيت اوعى تقول ان الشيطان مش عايز اكتب اوعى اتكل على ربنا وهتلقيها مشيت
قل لنفسك:
ازاي اقع الوقعه دي ازاي اسيب نفسي كده ازاي اسيب ايد ربنا ازاي ابعد عن سكته ازاي ربنا يقولي تعالى و انا اقوله لا انا لازم اتوب ودلوقتي مفيش بكره الان ارجع الى حضن ابويا اللي مش هلاقي زيه و اترمي في حضنه
صلاه:
يارب حافظ عليا يارب اقبلني ليك يارب انا جيلك بس انت اقربلي انا ولا حاجه انا اكتر واحد في الدنيه دي وحش ووحش باردتي مش بارادة الشيطان وهيقاومني ليه مدام انا معاك هو في ابن يبقى مع ابوه ويخاف ده انت اللي حاميني انا ضعيف و انت تقويني ماانت اله الضعفاء خلي فكري على طول معاك اشغلني بيك زي مااكون بحب حد و فكري متعلق بيه ارحمني يارب و شيل عني حافظ عليا
الثلاثاء يوليو 22, 2014 2:36 pm من طرف صليب012
