هناك 11 سيدة يطلق الرجل عليهن لقب "لا تطاق"
"أطيق العمى ولا أطيقها" "دي مش ست دي ست أشهر"
وإلى آخر هذه القائمة من الجمل التي تحمل الكره والخنقة من المرأة....
والي بنات هذا المنتدي ارجو من كل واحدة تقول نوعها ايه من دول بصراحة..
الأنانية:
تبقى عايزة كل حاجة ليها وبس، وعمرها ما تدي حاجة لشريكها من نفسها
لازم تقعد تعيد وتزيد...وتطلع عينيك
وبعد كده ممكن تفضل فاكرها لحد ماتموت...
هو انا مش سلفتك السنة اللي قبل اللي فاتت 120 جنيه عشان نجيب التلفزيون
الابيض والاسود....نسيت اه من الرجالة تاخد وتنسي!!!!!!
الإنفة:
وهي التي تنتقد كل شيء، أي تطلع القطط الفطسانة في أي موضوع أو قرار أو إنسان
لأ والانيل لما تيجي تسألها....في حاجة مصيرية اضحك احلي ضحك عليها...
تلاقي عيل في اولة ابتدائي... بيفكر احلي منها...
المتوهة:
أي التي لا تبالي بشريكها ولا بحاجاته ولا اهتماماته
وكأنها عايشة في دنيا تانية..الراجل يرجع من الشغل تعبان
وعايز ياكل يلاقي مفيش اكل.. او اكل بقاله 20يوم في التلاجة
او يجي ينام يلاقي مرعي وكعبورة اخوتها نايمين علي سريره
وماقولكش علي الريحة بتاعت رجليهم.....نوكومنت
البرنسيسة:
وهي تكون عادية جدا ولكن تتوقع أن يعاملها الآخرون وكأنها ملكة متوجة
ملكة كوالامبور ولا الصومال حاجة من الاتنين....
المدب:
وهي المرأة التي تنتقد شريكها بكلام يجرح رجولته...وتجرح في كل الناس
وتقول.... سوري مكنش قصدي...هو انا عملت حاجة..انا غلبانة ومكسورة الجناح
بنت بارم ديله:
أي التي تتعامل بعنطظة مع الآخرين، وتتكلم بجليطة مع من هم يخدمونها
في الحياة مثل السائق والبائع. مبتتشطرش غير علي الغالبانين
الله يرحم.....وهي تلاقيها اصلا ابوه حرامي واخواتها في ابوزعبل
المستقطعة:
وهي التي تستقطع على شريكها في كل شيء في الفلوس ولا تحاول أن
تشاركه الدفع أو حتى التخفيف من مشترياتها في أي وقت.
ده غير طبعا انها تصحي الفجر وتضرب ايديها في جيب الجاكت بتاعه
وتعلقلها قرشين كويسين..وتشتمشم البدلة طبعا؟؟؟
المضطَهَدة:
وهي التي تشعر بأن كل الناس يضطهدوها ومش طايقينها وبيغيروا منها....
علي ايه ياحسرة..يحسدوه الاعمي علي عكازه
البجحة:
وهذه المرأة متتكسفش أبدا وهي بتهزأ جوزها قدام الناس أو تحرجه بطلبات معينة علنا.
عايزين 3 كيلو كباب...4 كيلو حمام مشوي..والغلبان معهوش حق سندوتش فول بايظ..
المنفتحة باستهبال:
وهي التي تفهم الحرية والروشنة غلط، وتلاقيها مصاحبة رجالة بعدد شعر راسها (البروكة طبعا)
وكلهم بيتصلوا بيها في البيت وكمان تقابلهم على انفراد!!!!!
الزنانة:
التي لا تراعي ظروف زوجها إذا قام بتأجيل النقاش في أي موضوع، وتفضل تعيد وتزيد لحد ما يجيلو الضغط.
وتجيبلوه كل امراض الدنيا والاخرة...
ارحمنـــــــــــــــا يـــــــــــــــــارب
الثلاثاء يوليو 22, 2014 2:36 pm من طرف صليب012
